Қирғизистоннинг собиқ бош прокурори Индира Жолдубаева уй қамоғига олинди. Бу ҳақда мамлакат Ички ишлар вазирлиги маълум қилди.
«2019 йил 20 август куни Индира Жолдубаева коррупцияда гумон қилинаётгани ҳақида огоҳлантирилди. Бишкекнинг Первомайск туман суди томонидан унга нисбатан уй қамоғи тарзидаги эҳтиёт чораси қўлланди», — дейилади хабарда.
Жолдубаева жиноятчилар раҳнамоси Азиз Батукаевнинг ноқонуний озод қилиниши бўйича жиноий иш доирасида сўроқ қилинмоқда.
Бу иш юзасидан 17 кишига айблов эълон қилинган, улар орасида собиқ президент Алмазбек Атамбаев ҳам бор.
Изоҳ (0)