Аввал хабар берганимиздек, 21 август куни соат 01:54 да Шайхонтоҳур тумани, Навоий кўчаси, 69-уйда жойлашган Ўзбекистон миллий телерадиокомпанияси ҳудудидаги бинонинг ошхонаси, ёрдамчи хоналари ва том қисми 400 квадрат метр майдонда ёнган.
Тошкент шаҳар ёнғин хавфсизлиги бошқармасига кўра, жанговар бўлинмалар чақирилган манзилга соат 02:00 да етиб борган ва кўрилган тезкор чоралар натижасида ёнғин соат 02:45 да қуршаб олиниб, соат 03:36 да ўчирилган. Воқеа жойига 12 та ёнғин ўчириш техникаси жалб қилинган.
Ёнғин электр симларининг қисқа туташуви оқибатида содир бўлган, деб тахмин қилинмоқда.
Келтирилган моддий зарар миқдори аниқланмоқда. Ҳодисада инсонларнинг ҳалок бўлиши ва тан жароҳати олиш ҳолатлари қайд этилмади.
Изоҳ (0)