Шавкат Мирзиёев Тахиатош туманида ғўза ривожини кўздан кечирди (фото)

Ўзбекистон Президенти Тахиатош туманидаги «Мадад Ботир» фермер хўжалиги даласида ғўза ривожини кўздан кечирди. Бу ҳақда Президент матбуот хизмати хабар берди.

Ушбу хўжаликнинг жами ери 110 гектар бўлиб, 60 гектарида пахта етиштирилмоқда.

Давлат раҳбари дала агротехникасидаги камчиликларни кўрсатиб, пахта пишишини тезлаштириш, ҳосилга ҳосил қўшиш бўйича ўз тавсияларини берди. Қишлоқ хўжалигида фандан кенг фойдаланиш, Қорақалпоғистоннинг иқлимига мос навлар яратиш лозимлигини таъкидлади.