Ўзбекистон Республикаси Халқ таълими вазирлиги томонидан янги 2019/2020-ўқув йили учун умумий ўрта таълим мактабларига синф журналлари ва бошқа ҳужжатларни етказиб бериш ишлари бошланди. Бу ҳақда вазирлик матбуот хизмати хабар бермоқда.
Вазирлик томонидан мактабларга жами 247 372 дона синф журнали етказиб берилади. Жумладан, таълим муассасаларига 1—4-синфлар учун 99 440 дона, 5—9-синфлар учун 108 840 дона, 10—11-синфлар учун 39 092 дона синф журнали етказиб берилмоқда.
Бундан ташқари, мактабларга баҳолар табели, тўгарак машғулотлари журнали каби бошқа ҳужжатлар ҳам етказилади.
Янги ўқув йилининг бошидан (4 сентябрдан) барча умумий ўрта таълим мактаблари ўқув жараёнида фойдаланиш учун синф журналлари билан тўлиқ таъминланади.
Таъкидлаш жоизки, жорий йилда синф журналларини тайёрлаш жараёнида уларни дизайн ва сифат жиҳатидан замон талабларига жавоб бериши, ўқитувчилар учун қулайлик яратишига алоҳида эътибор қаратилди.
Изоҳ (0)