Икки ёшли боласи бор нью-йорклик оила дам олиш учун 700 минг долларга Флорида штатидаги Вест-Палм-Бич шаҳридан уй харид қилди, деб ёзмоқда Forum Daily. Лекин улар уйни юзлаб хавфли ва жирканч қузғунлар эгаллаб олишини ҳаёлига ҳам келтирмаган. Уларни бу уйга нима жалб қилди?
Маълум бўлишича, Казимано оиласи уйни апрель ойида сотиб олган ва у ерда ёзги таътилни ўткизишни сабрсизлик билан кутган. Уй 3 та ётоқхона, ёпиқ экранли бассейн ва ажойиб қўриқхона ёнидаги табиат манзараси кўриниб турувчи ҳовлини ўз ичига олган бўлиб, мазкур ҳовли уларга 702 000 долларга тушган.
Аммо уйнинг харидорлар билмаган бир жиҳати ҳам бўлган: уларнинг қўшниси ёввойи ҳайвонларга овқат беришни яхши кўрган.
Ҳашаматли уйни сотиб олган оила бошлиғи уй харид қилинганидан деярли 4 ой ўтиб, улар ҳатто ўз уйига ҳам кела олмаслигини, боласига нимадир бўлишидан ҳавотирда эканлигини айтган. Чунки калхатлар оч қолса, уй ҳайвонлари ва болаларга ҳужум қилиши ҳам мумкин. «Бу ердаги ҳид минглаб чириётган жасадларга ўхшайди», — деган у.
Муаммо шундаки, юзлаб қора калхатлар ҳовлини эгаллаб олган, тўсиқларни бузиб, бассейн ва барбекюни ўзлариники қилиб олган. Бу ерга келган оила машинани гаражга қўйишга мажбур бўлади. Акс ҳолда қушлар машинани чўқиб, тешиклар қолдиради.
Казиманонинг сўзларига кўра, қушлар қўшни ҳовлидаги аёл берган овқатларни ейди, сўнг уй атрофида дам олади.
«Ҳамма ёқни калхатлар босиб кетган. Ҳамма жойда уларнинг ахлати. Бу жуда даҳшат. Биз ҳатто ўз уйимизга қайта олмаймиз», — деган аёл.
Буларнинг ҳаммасига қўшни аёл сабабчи бўлиб, у нафақат калхатларга, балки енот ва бошқа ёввойи ҳайвонларга ҳам овқат беради.
Қайд этилишича, аёл унинг ҳаракатлари тўғри эмаслиги ҳақида тегишли ташкилотлар томонидан бир неча марта огоҳлантирилиб, жарима билан қўрқитилган. Лекин унга қарши кескин чоралар кўришнинг иложи йўқ. Чунки учиб ўтувчи қушлар федерал қонунчилиги билан ҳимояланган.
Изоҳ (0)