Ўзбекистон Бош прокуратураси Олмазор тумани ҳокими ўринбосари Абдурасул Ваҳобовнинг «Kun.uz» ходимларига тажовузи бўйича ҳолат юзасидан баёнот берди.
«Куни-кеча ‘Kun.uz’ нашри ходимлари ҳамда Олмазор тумани ҳокими ўринбосари Абдурасул Ваҳобов ўртасида келиб чиққан ҳолат юзасидан Тошкент шаҳар прокуратураси томонидан текшириш ўтказилмоқда. Мазкур ҳолат Бош прокуратура томонидан назоратга олинган. Натижаси ҳақида кенг жамоатчиликка қўшимча маълумот берилади», — дейилади баёнотда.
Бундан олдин, Президент администрацияси ҳузуридаги Ахборот ва оммавий коммуникациялар агентлиги ушбу ҳолат бўйича расмий муносабат билдирганди.
Кейинроқ «Kun.uz» таҳририяти Олмазор тумани ҳокими ўринбосари Абдурасул Ваҳобов билан боғлиқ воқеа юзасидан баёнот билан чиққан эди.
Изоҳ (0)