Италиянинг Милан шаҳрида электросамокатлар ижараси билан шуғулланувчи компаниялар фаолиятига тақиқ қўйилди, деб хабар беради «Korrespondent.net».
Маълумотларга кўра, бу каби тақиқлар Италияда самокатлар учун аниқ бир қоида ишлаб чиқилмагунига қадар давом этади.
Жорий йилнинг июнь ойида Италияда электросамокатларни пиёдалар ва велосипед йўлакларида тезлигини 30 километр/соатдан оширмаган ҳолда ҳайдаш бўйича фармойиш қабул қилинганди. Бироқ шунга қарамай ҳар бир коммуна алоҳида ўз қоидасини ўрнатишини талаб қилади.
Июль ойининг охирларида Милан самокатларда соатига 6 километр тезликда пиёдалар йўлаклари бўйлаб ҳаракатланишни синовдан ўтказган эди.
Таъкидлаш керакки, сўнгги бир неча йил ичида Европада электросамокатлар анча оммалашган бўлиб, улар сабаб тез-тез йўл-транспорт ҳодисалари содир бўлмоқда.
Изоҳ (0)