Ўзбекистон парламенти делегацияси аъзолари 6—9 август кунлари Корея Республикасига расмий ташрифи доирасида «Корея—Ўзбекистон» дўстлиги парламент уюшмаси раиси Бёнг Же Ил, Корея республикаси Миллий ассамблеяси депутати Чу Ми Э билан учрашди. Бу ҳақда «Дарё»га журналист Жонибек Маърупов хабар беради.
Учрашувда парламентларо муносабатлар нафақат ўзаро ишончни мустаҳкамлашга, балки сиёсий, савдо-иқтисодий ва гуманитар соҳаларда ҳамкорликни кенгайтиришга бевосита таъсир кўрсатади. Шу нуқтаи назардан, томонлар давлат ҳокимияти органлари қонунларга сўзсиз риоя қилишини, социал-иқтисодий ва ижтимоий-сиёсий ривожлантириш давлат дастурларини амалга оширишини таъминлаш мақсадида уларнинг фаолиятини парламент томонидан назорат қилиш муҳим аҳамият касб этишини таъкидлади.Шу билан бирга, ҳудудлар орасида, жумладан, Ўзбекистон Республикаси маҳаллий Кенгашлари депутатлари даражасида алоқалар ривожланишини таъминлашга урғу берилди. Қайд этилишича, Ўзбекистон ва Корея ўртасида мунтазам парламентлараро мулоқот олиб борилиши ўзаро ишончни янада мустаҳкамлашга хизмат қилади.Шунингдек, Корея Республикаси Миллий Ассамблеяси Тадқиқот хизмати раҳбарияти билан учрашувда эса Ўзбекистон делегацияси аъзоларига Корея Республикасининг сайлов тизими, Президент ва парламент сайловлари ҳамда маҳаллий ҳокимият вакиллик органларига сайловларнинг ўзига хосликлари ҳақида тақдимот намойиш этилди.
Изоҳ (0)