Покистон бош вазири Имрон Хон Нью-Деҳлининг Жамму ва Кашмир штатларини тугатиш ҳақидаги масалани ҳал этишнинг ҳуқуқий, сиёсий ва дипломатик жиҳатларини ишлаб чиқиш учун махсус қўмита тузишни буюрди. Бу ҳақда бош Daily Times нашри хабар берди.
«ТАСС»нинг ёзишича, махсус комиссия 7 аъзодан иборат бўлиб, улар орасида Покистон ташқи ишлар вазири Шайх Маҳмуд Куреши, Покистон бош прокурори Анвар Мансур Хан, ТИВ раҳбари биринчи ўринбосари Сухайил Маҳмуд, дин ишлари бўйича махсус элчи Аҳмад Сўфи, Бирлашган разведка бошқармаси Файз Ҳамид ҳам бор.
Ҳиндистон ҳукумати 5 август куни Жамму ва Кашмир штатларини тугатиб, бу ерда икки иттифоқдош ҳудудни яратиш тўғрисидаги қарорни маълум қилган. Кейинчалик ҳужжат парламентда маъқулланган. Покистон бундай қарорни кескин қоралаган.
Ҳиндистон конституциясига кўра, Жамму ва Кашмир махсус автономияга эга бўлиб, бу штатда марказий ҳукумат томонидан чиқарилган барча қонунлар (мудофаа, ташқи алоқалар билан боғлиқ масалалар бундан мустасно) маҳаллий ассамблея томонидан маъқулланиши керак.
Ҳиндистоннинг бошқа ерида яшовчи одамлар у ҳудуддан ер сотиб олиш ҳуқуқига эга эмас эди. Жамму ва Кашмир ўз байроғига ва бир қатор бошқа афзалликларга эга эди.
Изоҳ (0)