Тошкент ахборот технологиялари университетининг Телекоммуникация факультети битирувчиси Ҳожиакбар Ботиров бир вақтда 3 та хорижий университетга қабул қилинди, деб хабар бермоқда Sputnik.
ИТ" data-action="zoom" class="border lazyload" />
У Erasmus+ дастури доирасида Астон университети (Буюк Британия), Université Paris-Saclay (Франция) ва Афина университети (Греция)да грант асосида магистратурада ўқиш имкониятини қўлга киритди.
Ботиров Ҳожиакбарнинг таъкидлашича, у дастур ҳақида дўстидан эшитганидан кейин расмий сайтдан мос дастурларни қидира бошлаган. Унинг асосий эътиборини маълумотлар узатиш тизимлари ҳамда «SMARTNET» дастури тортган, чунки у Ўзбекистонда ҳали интеграциялашмаган мавзулар ва технологияларни ўз ичига олган.
«Менинг энг муҳим мақсадим — энг яхши талабалар қаторида бўлиш ва амалда катта маълумотларни қайта ишлаш тизимини ўрганиш. Бўлажак иштирокчилар учун барча керакли ҳужжатларни олдиндан тайёрлашни ва университет ўқув дастуридан ташқари лойиҳаларда ва курсларда қатнашишга ҳаракат қилишни маслаҳат бераман», — деган Ҳожиакбар.
Маълумот учун, Erasmus+ Европа Иттифоқининг лойиҳаси бўлиб, ҳамкорликдаги турли тадбирлар, таълим, ёшлар билан ишлаш, спорт каби соҳаларга оид лойиҳаларни қўллаб-қувватлайди.
Изоҳ (0)