Туркманистоннинг Тошкентдаги элчихонаси билан боғланиб бўлмаяпти

Туркманистон президенти Гурбангули Бердимуҳамедовнинг вафоти ҳақидаги хабарлардан кейин «Дарё» нашри Тошкентдаги Туркманистон элчихонаси билан боғланишга уриниб кўрди, аммо расмий телефон рақамлари бўйича қўнғироқларга ҳеч ким жавоб бермаяпти.

Эслатиб ўтамиз, Туркманистон президенти Гурбангули Бердимуҳамедовнинг вафот этгани ҳақида «Говорит Москва» Евросиё муаммолари мониторинг маркази директори Аслан Рубаевга таяниб хабар берган эди. Унинг сўзларига кўра, Туркманистон президентининг ўлими ҳақида Ашхободда ишлайдиган бизнесменлар маълум қилган.

Кейинроқ Туркманистоннинг Россиядаги элчихонаси президент Гурбангули Бердимуҳамедовнинг вафоти ҳақидаги хабарларни ёлғон деб атади.

Ушбу хабарлар юзасидан расмий Ашхобод изоҳ берганича йўқ.