Наманган шаҳридаги «Чорсу» бозори ҳудудида ёнғин содир бўлди. Бу ҳақда «Дарё» мухбири хабар бермоқда.

Фото: Наманган вилоят ёнғин хавфсизлиги бошқармаси

Вилоят ёнғин хавфсизлиги бошқармаси мутасаддиларига кўра, ҳодиса 21 июль куни соат 01:38 да рўй берган. Орадан 4 дақиқа ўтиб, ёнғинни ўчириш бўлинмалари воқеа жойига етиб борган.

Фото: Наманган вилоят ёнғин хавфсизлиги бошқармаси

Маълум бўлишича, бозорнинг нон растаси аланга олган. Растанинг шифт ҳамда том қисмидан 600 квадрат метр жойи ва жиҳозлар, бозор ҳудудига туташ «Зулайҳо саноат савдо» МЧЖга қарашли дорихона ва учта савдо дўконининг шифт, том қисмидан 200 квадрат метр жойи жиҳозлари билан, жами 800 квадрат метр майдон ёнган.

Фото: Наманган вилоят ёнғин хавфсизлиги бошқармаси

Ушбу дўконлар атрофида бўлган «Москвич-412» русумли автомобил ҳам ёниб кетган.

Фото: Наманган вилоят ёнғин хавфсизлиги бошқармаси

Ёнғин 02:00 атрофида қуршаб олинган ва 45 дақиқада ўчирилган. Бўлинмалар томонидан 1600 квадрат метр майдон офатдан сақлаб қолинган. Ёнғинни бартараф этишда 12 та экипаж иштирок этган.

Фото: Наманган вилоят ёнғин хавфсизлиги бошқармаси

Ҳодиса оқибатида қурбонлар ва жароҳатланганлар йўқлиги айтилмоқда. Ёнғиннинг келиб чиқиш сабаблари ва кўрилган зарар миқдори аниқланмоқда.