Сурхондарё вилоятининг Термиз шаҳри, «Мажнунтол» маҳалласида яшовчи 52 ёшли Н.Қ. 15 июль куни соат 23:00 атрофида ўз уйида қўшни давлат фуқароси, вақтинча шаҳардаги меҳмонхонада яшовчи 35 ёшли С.О.га енгилтак аёллар билан бирга бўлишига шароит яратиб берган. Бу ҳақда ИИВ матбуот хизмати маълум қилди.
Аёллар — Шеробод туманида яшовчи 26 ёшли Ш.С. ва Термиз шаҳрида яшовчи 25 ёшли Ж.М. хорижлик меҳмон мастлигидан фойдаланиб, унинг 600 АҚШ долларини ўғирлаб кетган.
Ш.С. ва Ж.М. ушланди. Мазкур ҳолат юзасидан уларга нисбатан ўғирлик қилгани, Н.Қ.га нисбатан фоҳишахона ташкил этиш билан шуғуллангани учун жиноят иши қўзғатилган. Тергов ҳаракатлари олиб борилмоқда.
Изоҳ (0)