«Тахтлар ўйини» сериали «Эмми» мукофотининг рекорд даражада — 32 та номинациясига даъвогарлик қилади

Лос-Анжелесда «Эмми» мукофотининг номзодлари эълон қилинди. 71-тантанали тақдирлаш маросими 22 сентябрь куни бўлиб ўтади, деб хабар берди Meduza.

«Тахтлар ўйини» сериали 32 та номинацияни, жумладан, «Энг яхши драматик сериал» йўналиши бўйича номзод деб топилди. Кит Харрингтон энг яхши эркак роли учун, Эмилия Кларк эса энг яхши аёл ролига даъвогарлик қилади.

«Тахтлар ўйини»дан ташқари «Яхшиси Солга қўнғироқ қилинг», «Тансоқчи», «Евани ўлдириб», «Озарк», «Меросхўр» ва «Бу биз» сериаллари ҳам «Энг яхши драматик сериал» номинациясига номзод.

«Энг яхши комедик сериал» йўналиши бўйича ғолибликка эса «Барри», «Дрянь», «Энг яхши оламда», «Ажойиб миссис Мейзел», «Матрёшка», «Шиттс Крик» ва «Вице-президент» ўзаро курашади.

«Энг яхши мини сериал» номинацияси учун «Чернобиль», «Даннемор қамоқхонасидан қочиш», «Фосси/Вердон», «Ўткир предметлар» ва «Бизни кўришганида» сериаллари даъвогарлик қилмоқда.