Киевда тергов ҳибсхонаси ҳудудига квадрокоптер ёрдамида наркотиклар ўтказишга уринган эркак қўлга олинди. Бу ҳақда Украина миллий полицияси маълум қилди.
15 июль куни кечки пайт Шевченко тумани полиция бошқармасига ҳибсхонага яқин кўчадаги ўзини шубҳали тутаётган йигит ҳақида хабар келиб тушади. Тезкор чоралар натижасида қўлга олинган 1999 йилда туғилган йигит квадрокоптер ёрдамида тергов ҳисбхонаси ҳудудига метадон етказиб беришга ҳаракат қилгани аниқланди.
Полиция тергов бўлими томонидан жиноий иш қўзғатилди. 20 яшар гумонланувчига 10 йилгача муддатга қамоқ жазоси берилиши мумкин.
Изоҳ (0)