НАТО Парламент ассамблеяси қўмиталаридан бирига мўлжалланган ҳисоботда муаллифлардан бири адашиб, Европада АҚШнинг ядро қуролларини жойлаштириш мўлжалланган жойлар рўйхатини киритди. Бу ҳақда Бельгия ОАВлари қўлига тушган ҳужжатга таяниб, The Washington Post хабар бермоқда.
Унда айтилишича, яқинда нашр этилган ва кейинчалик олиб ташланган НАТОга тегишли тузилма томонидан чоп этилган ҳужжат «Европа матбуотида шов-шувга сабаб бўлиб, анчадан бери кўпчиликка маълум бўлган сир: АҚШнинг ядро қуроллари Бельгия, Германия, Италия, Нидерландия ва Туркияда сақланаётгани ўз тасдиғини топган.
«ТАСС»нинг ёзишича, бу маълумотларни ўз ичига олган ҳужжат апрель ойида тайёрланган бўлиб, Братиславада ўтказилган НАТО Парламент ассамблеясининг баҳорги сессиясига мўлжалланган. Бельгиянинг De Morgen газетаси томонидан келтирилган парчага кўра, матнда Европада 150 та ядро каллаклари тарқатилгани тилга олинган. Бу бомбалар 6 та Америка ва Европа базаларида сақланмоқда.
Бироқ нашрда келтирилишича, ўтган ҳафтада интернетда ҳужжатнинг янги версияси жойланган бўлиб, унда ядро қуроллари тарқатилган жойлар ҳақидаги маълумот олиб ташланган.
Маъруза муаллифи, канадалик сенатор Жозеф Дейнинг The Washington Post’га биринчи версия шунчаки қоралама вариант бўлганини маълум қилган. «Ушбу маърузада келтирилган барча маълумотлар ҳамма учун очиқдир», — деб таъкидлаган у, бироқ ҳеч қандай манбага ҳавола берилмаган.
Изоҳ (0)