Самарқанд туманида боғча мудираси 15 йил давомида ўзининг 6 нафар қариндошига ойлик иш ҳақи ёзиб, уларнинг ўрнига ўзи имзо қўйиб, пулини олиб юргани аниқланди. Бу ҳақда Zarnews хабар бермоқда.
Муҳаббат Орипова (исм-фамилиялар ўзгартирилган) мансаб мавқеини суиистеъмол қилиб, кўп миқдорда бюджет маблағларини ўзлаштириш йўли билан талон-тарож қилиб, қонунга хилоф иш кўрган.
Ўтган йили мазкур муассасадаги текширувлар давомида бу ерда қўшиб ёзиш, давлат мулкини талон-тарож қилиш каби жиноятлар фош этилди. Масалан, Холида Расулова 2005 йил февраль ойида ушбу муассасага тарбиячи бўлиб ишга кирган, 2012 йилга қадар ишлаган, шу йил штат қисқарганлиги учун ишдан кетган. Шундай бўлишига қарамай, 2014 йил май ойидан 2018 йил февраль ойигача 20 миллион сўмгача бўлган маблағни мудира сохта имзо чекиб, ўзи олган.
Текишириш жараёнида Х.Расулова имзо уники эмаслиги, шунча миқдордаги пулни олмаганлигини тўғрисида кўрсатма берган.
Мудира қилмишларига яраша қонуний жазо олди.
Изоҳ (0)