Оскада бўлиб ўтган G20 расмий саммитида Курил оролларининг тўрттаси Японияники деб белгилангани акс этган видео эълон қилинди. Бу ҳақда «РБК» хабар берди. Москвада эса тинчлик музокаларида оролларни бериш имконияти кўриб чиқилмаслиги бир неча марта таъкидланган.
Маълум бўлишича, Япониянинг Оска шаҳрида бўлиб ўтган G20 саммити ташкилотчилари ташкилотнинг расмий веб-сайтида Россияга тегишли бўлган Курил оролларининг тўрттаси Японияга қарашли эканлигини кўрсатувчи харита намойиш этилган.
Ушбу видеоролик 2019 йилнинг 19 февралида Япония бош вазири Синдзо Абэнинг YouTube каналида чоп этилган. Курил ороллариниг Японияга қарашли эканлиги акс эттирилган лавҳа видеонинг учинчи сониясида пайдо бўлади.
Аввалроқ Синдзо Абэ G20 саммитида Россия президенти Владимир Путин билан учрашганидан сўнг Токионинг Москва билан тинчлик шартномаларини имзолаш юзасидан давом этаётган музокаларни кейинчалик ҳам ривожлантириш ниятида эканлигини тасдиқлаган.
Россия президенти матбуот котиби Дмитрий Песков гап Курил оролларини Японияга бериш ёки бермаслик ҳақида кетмаётганини, музокарадан мақсад эса тинчлик шартномасини имзолаш эканини айтган.
Кейинроқ Путин Курил оролларида «Россия байроғини тушурмаслигини», Узоқ Шарқни ривожлантириш бўйича бир қатор ишларни, хусусан Жанубий Курил инфраструктурасини ривожлантиришни амалга ошириш ниятида эканлигини билдирган.
Изоҳ (0)