Олмалиқ кон-металлургия комбинатида таркиби олтинга бой рудаларни қазиб олиш бўйича иккита инвестициявий лойиҳа амалга оширилмоқда. Бу ҳақда АЖ Инвестиция департаменти бошлиғи вазифасини бажарувчи Камолиддин Салимов маълум қилди.
Лойиҳаларнинг биринчиси «Қизил олма» кони базасидаги «Самарчук» ер ости кони ҳисобланади. Қиймати 71,5 миллион АҚШ долларилик бу лойиҳа 2023 йилда ишга туширилади ва йилига 100 минг тонна руда қазиб олинади.
Иккинчиси «Междурече» ер ости кони бўлиб, у 2025 йилда очилиши кўзда тутилмоқда. Ушбу кон йилига 120 минг тонна руда олиш, Ангрен шаҳридаги иш ўринларини тўлиқ сақлаб қолиш имконини бериши айтилмоқда.
Шу каби лойиҳалар туфайли Олмалиқ кон-металлургия комбинатида рангли ва нодир металлар ишлаб чиқарилиши ҳажми 2 баробарга ошиши кутилмоқда.
Изоҳ (0)