1 июлга ўтар кечаси соат 00.45 да Тошкент вилоятининг Тошкент туманидаги автомобиль ҳалқа йўлида жойлашган «Обод капитал» МЧЖга қарашли ёқилғи қуйиш шохобчасида алангаланиш рўй бергани ҳақида маълумот келиб тушди.
Орадан 10 дақиқа ўтиб ҳодиса жойига 12 та ўт ўчириш машинаси етиб келди. Ходимлар саъй-ҳаракати билан соат 01.24 да ёнғин жиловланди, соат 01.46 да эса тўлиқ бартараф этилди.
Ҳодиса оқибатида шохобчанинг 34 яшар ходими куйиш жароҳати олди ва касалхонага ётқизилди. Оператор хонаси томи, «Чинобод» нефтбазасига қарашли «МАЗ» бензовози, шунингдек, Matiz автомобили ёниб кетди.
Шохобчанинг 150 квадрат метр майдони ва 50 тонна ёқилғини асраб қолишга муваффақ бўлинди.
Изоҳ (0)