Фотогалерея: Суратга олинган фильмлардан «кесиб ташланган» актёрлар

Бизнинг кўпчилигимиз бир қарор қабул қилиб, кейин эса фикримиздан қайтишимиз мумкин. Режиссёрлар ҳам шундай: бошида ғоя ажойиб кўринади, кейин эса кинолентадан кесиб ташлагиси келади. Баъзан кесиб ташланган рол актёрга шуҳрат келтириши мумкин («Константин» фильмидаги роли кесиб ташланган актриса каби), баъзан эса машҳурлик актёрга ушбу ролни ўйнашига йўл қўймайди. AdMe ана шундай лавҳаларга эътибор қаратди.

Тоби Магуайр ва «Пиннинг ҳаёти»

«Ўргимчак-одам» фильмидан кейин машҳур бўлиб кетган актёр кунлардан бир кун режиссёр Энг Лининг «Пининг ҳаёти» фильмида рол ўйнаш учун таклиф олади. Сюжет бўйича, бош қаҳрамон (Магуайр эмас) кема ҳалокатидан қутқариб қолингани ҳақидаги ҳикоясини ёзувчига (аввалига Магуайр) айтиб беради.

Лекин Энг Ли суратга олинган лавҳани кўриб чиқиб, Тоби гарчи эпизод рол ўйнаётган бўлса ҳам, томошабиннинг асосий эътиборини ўзига тортиб олаётганини сезиб қолади. Магуайр ҳам унинг фикрини тасдиқлайди. Режиссёр, ўз ўрнида, Тоби билан келгусида албатта бирга ишлаш истаги борлигини айтади. Мана шундай «реверанслар»дан сўнг иш ўз йўлида кетади, томошабин эса ёзувчи ролида Рейф Споллни кўради.

Кристофер Ли ва «Узуклар ҳукмдори: Қиролнинг қайтиши»

Машҳур трилогиянинг асосий антагонистларидан бири Саруман «Узуклар ҳукмдори»нинг учинчи қисмида Питер Жексондан аввалги эътиборни олмади. Актёр Кристофер Ли кейинчалик интервьюларидан бирида режиссёрнинг бу қарорини тушунмаганини айтган. Лекин актёр уни фильмдан олиб ташлашганидан эмас, балки бу ҳақда аввалроқ айтишмаганидан, фақатгина журналист ва интернет орқали хабар топганидан жаҳли чиққан.

Микки Рурк ва «Нозик қизил чизиқ»

Режиссёр Терренс Маликдан хафа бўлган актёрлар талайгина. Голливуда ҳатто «Агар Малик сени суратга олишга таклиф қилса, бу фильмнинг сўнгидаги ёзувлада ўз исмингни кўришингга кафолат бермайди», деган ҳазил ҳам юради. Мисол учун «Нозик қизил чизиқ» фильмини оладиган бўлсак, Малик Микки Рурк ижро этган лавҳани фильмдан кесиб ташлаган.

Харрисон Форд ва «Ўзга сайёралик»

Ушбу фильм сценарийси устида Спилберг «Индиана Жонс» фильмининг суратга олиш ишлари кетаётган  пайти ишлаган. Дубллар ўртасидаги танаффус пайтида, Форд турли пойгалардан дам олаётганида режиссёр сценарист Мелисса Метисонга сюжетни айтиб туради. Кейинчалик бу ажойиб фильмга айланади.  Аслида Мелисса севгилиси Харрисон Фордни олдига келган бўлади.

«Ўзга сайёрлаик»нинг монтаж ишлари финал босқичга етганида Спилберг тўсатдан Форд ижро этган эпизод роли (асосий қаҳрамон ўқийдиган мактабнинг оддий директори) Индиана Жонс қаҳрамонидан ҳайратланган мухлисларнинг ҳафсаласини пир қилиши мумкинлигини ўйлаб қолади.