Жиззахда нафақадаги ИИБ ходимларига босқинчилик уюштирган У.Ражабов, Л.Бектемиров, В.Солиев, О.Ёрматов, П.Пардабеков ва Т.Мелиқўзиев (исм шарифи ўзгартирилган) қамоққа олинди.
Жиноят ишлари бўйича Мирзачўл туман суди хабар беришича, улар босқинчилик йўли билан ўзганинг мол-мулкини талон-торож қилиш мақсадида бир гуруҳ бўлиб, олдиндан жиноий тил бириктирган.
Олдиндан тузилган жиноий режага кўра, юзларига мато ўраб олиб, Мирзачўл тумани Р.Хайдаров СИУ ҳудудидаги зовурдан балиқ овлаш мақсадида келган Жиззах шаҳрида яшовчи, муқаддам ИИБ идораларида турли лавозимларда хизмат қилган фуқаролар А.Акабаев ва Ж.Жавлоновларга (исм шарифи ўзгартирилган) ҳужум қилган.
Босқинчилар уларга ҳаёт учун хавфли бўлган зўрлик ишлатиб, ҳеч бир сабабсиз ўзлари билан олиб келган ёғоч таёқлар билан уриб, тан жароҳати етказган. Сўнг, машинасидаги 200 000 сўм пулини, 3 дона 1 доллар купюрасидаги пулларни, Samsung J2, MI-6 смартфони, ҳайдовчилик ва нафақа гувоҳномаларини ҳамда 4 дона қармоқларини қўлга киритиб, воқеа жойидан яширинган.
Ушбу жиноят юзасидан жиноят ишлари бўйича Мирзачўл туман суди томонидан босқинчилик қилган шахсларнинг барчасига қамоққа олиш тарзидаги эҳтиёт чорасини қўлланилди.
Изоҳ (0)