Huawei компанияси томонидан ишлаб чиқилган интеллектуал ва соддалаштирилган 5G база тармоғи Лондон шаҳрида ўтказилган Халқаро 5G 2019 саммитида «Энг яхши 5G тармоқ технологияси» мукофотига лойиқ кўрилди.
Huawei «Энг яхши 5G тармоқ технологияси» мукофотини қўлга киритди.5G жаҳондаги бутун индустрияларни ўзгартириш ва янги иловалар ҳамда бизнес моделларни илгари суришга кенг имкониятлар эшигини очади.
5G база тармоғи ҳамма ерда ишлайдиган алоқани йўлга қўйиш ва тармоқ ресурсларини режалаштиришга ёрдам берадиган хаб (марказ) вазифасини бажаради.
Бу нафақат инсонларни, балки буюмларни ҳам ўзаро боғлайди, шунингдек, фарқли ва бир турдаги тармоқ ҳизматларининг кўрсатилишини таъминлайди. Бу каби ечимлар 5G стандартининг индустриал интернет ва индустриал рақамлаштиришга янада сифатли хизмат қилишига имконият беради.
Huawei яратган интеллектуал ва соддалаштирилган 5G база тармоғи уч қаватли бўлиш, ўзгармас дизайн, ўзгармас ток бўйлаб қўлланиш, микросервислар ва А/Б тест сингари яхлит булутга асосланган муҳим технологияларни қўллаб-қувватлайди. Ушбу тармоқ етакчи булутли ечимлар, алоқа+ ва илғор ҳисоблаш технологиялари асосида қурилган бўлиб, 2G/3G/4G/5G NSA/5G SA стандартларини мукаммал ҳамоҳангликда қўллаб-қувватлайдиган мазкур саноатдаги биринчи базавий тармоқдир. У соддалаштирилган овозли ечим - Singl Voice Core ва CUPS технологиясига асосланган тақсимланган архитектурани тақдим қилади. CUPS технологияси асосида мазкур 5G тармоқ фойдаланишга тайёр универсал интерфейс, талабга мувофиқ режалаштириладиган илғор гетероген ҳисоблаш ресурслари, учинчи томон иловалари билан тезкор интеграцияланиш функцияларини қўллаб-қувватлайди, шу билан бирга, у фарқли хизматлар билан таъминлаш ва минглаб соҳаларни жадал ривожлантириш орқали очиқ экотизимни шакллантиришга замин яратади.
Бу борада, Ма Лианг, Huawei компаниясининг Cloud Core Network йўналишининг раҳбари шундай дейди: «Биз бу мукофотни қўлга киритишдан бағоятда мамнунмиз. Huawei 5G технологияси бўйича соҳадаги етакчи позицияни эгаллаш учун 5G тармоғини ишлаб чиқадиган тадқиқот марказларига мунтазам равишда сармоя ажратиб келди. Биз вертикал саноатларда 5G иловаларини яратиш, мукаммал экотизимни йўлга қўйиш ва 5G тармоғининг тижорий фаолиятини бошлаш мақсадида мобил операторлар ва соҳадаги ҳамкорлар билан узоқ вақтдан бери ишлаб келамиз.
2019 йилнинг июнь ойига қадар Huawei компанияси 5G ускуналарини етказиб бериш бўйича жаҳон бўйлаб 46 та шартнома имзолади, тармоқ сегментацияси асосида соҳалараро коммуникация ечимлари, ақлли тармоқ тўри (MEC), VR/AR, IoV, дистансион жарроҳлик, ақлли саноат ва бошқа йўналишларга оид ечимларни ишга тушириб, глобал 5G экотизимини кенгайтиришга салмоқли ҳисса қўшди. Huawei мазкур технологиянинг истеъмолчиларга мукаммал даражада хизмат кўрсатишига эришиш учун уни ривожлантиришдан тўхтамайди.
Реклама ҳуқуқи асосида.
Изоҳ (0)