Нукусдаги дала майдонида рўй берган ёнғиндан сўнг 57 яшар аёлнинг жасади топилди

Қорақалпоғистоннинг Нукус шаҳрида 7 июнь куни соат 05.53 атрофида Амударё МФЙ ҳудудида жойлашган дала майдонида ёнғин содир бўлди. Бу ҳақда ИИВ жамоатчилик ва ОАВ билан алоқалар бошқармаси хабар бермоқда.

Нукус шаҳрида яшовчи Ю.Б.га тегишли 1500 дона пресс сомондан иборат ғарамдаги ёнғин давомида даланинг 70 квадрат метр майдонида 500 дона пресс сомон тўлиқ ёниб кетгани аниқланди.

Ёнғин ўчирилгач Амударё маҳалласида яшаган 57 ёшли Г.Т.исмли аёлнинг куйган ҳолдаги жасади топилган.

Ёнғин келиб чиқиш сабаблари аниқланмоқда. Суриштирув ишлари олиб борилмоқда.