Совет Иттифоқининг собиқ президенти Михаил Горбачёв шифохонага тушди

Совет Иттифоқининг собиқ президенти Михаил Горбачёв шифохонада. Бу ҳақда Sputnik хабар қилади.

Хабарда қайд этилишича, Горбачёв шифохонада ўз китоби устида иш олиб бормоқда.

«Мен шифохонадаман, анчадан буён», — деган Горбачёв.

Шунингдек, у яқин кунларда китоби чоп этилишини қўшимча қилган.

Жорий йилнинг март ойида Совет Иттифоқининг собиқ президенти 88 ёшни қарши олди.