Бугун, 3 июнь куни АҚШ президенти Дональд Трамп биринчи бор Буюк Британияга давлат ташрифини амалга оширади, деб хабар берди «Эхо.Москви».
АҚШ президентининг қиролича Елизавета II ҳамда мамлакат бош вазири Тереза Мэй билан учрашиши кутилмоқда. Мазкур ташриф Нормандияга иттифоқ қўшинлари киритилганлигининг 75 йиллиги муносабати билан амалга оширилмоқда.
Британиянинг ўзида Дональд Трампнинг ташрифига қарши норозилик акцияси ўтказилади.
The Sunday Times газетасининг ёзишича, Лондон кўчаларига икки юз эллик минг одам чиқиши мумкин. Шу сабабли Америка президенти қиролича билан биргаликда усти очиқ экипажда Букингем саройини сайр қила олмайди.
Изоҳ (0)