Республика Маънавият ва маърифат маркази томонидан Халқаро болаларни ҳимоя қилиш куни муносабати билан Қорақалпоғистон Республикаси, Тошкент шаҳри ва вилоятлардаги мактабгача таълим муассасаларида «Маърифатли келажак» шиори остида китобхонлик акциялари ўтказилди. Бу ҳақда «Дарё»га марказ мутасаддилари маълум қилди.
Акциялар давомида болаларга китоблар жамланмаси ва эсдалик совғалари тақдим этилди.
Жумладан, Марказ ходимлари Тошкент шаҳридаги бир қанча мактабгача таълим муассасаларида бўлди. Улар тарбияланувчилар учун ҳикоялар ўқиб бериб, қандай мазмундаги эртаклар ёқиши тўғрисида суҳбатлашди.
Муассасаларга 1000 дан ортиқ эртак китоблари тақдим этилди.
Изоҳ (0)