Марказий банкда Халқаро валюта жамғармаси бошқарувчи директори Кристин Лагард билан учрашув бўлиб ўтди. Бу ҳақда МБ матбуот хизмати маълум қилди.
Учрашув давомида банк секторидаги ислоҳотлар ва макроиқтисодий сиёсат масалалари муҳокама қилинди.
К.Лагард мамлакатда кредитлаш даражасини қисқартириш, давлат корхоналари ва банкларини ислоҳ қилишда хатарларни мониторинг қилиш зарурлигини таъкидлади.
Шунингдек, Марказий банк томонидан молиявий секторда ислоҳотларнинг барча хатарларини тушуниш муҳимлиги қайд этилди.
Кристин Лагард ХВЖ бор салоҳиятини ишга солган ҳолда ўтказилаётган ислоҳотларни қўллаб-қувватлашга тайёр эканлигини айтиб ўтди.
Учрашувдан сўнг К.Лагард Марказий банк ходимлари ва талабалар учун «Ўзбекистондаги ислоҳотлар: инклюзив ўсиш ва ҳамкорлик учун янги формула» мавзусида маъруза қилди.
Ўзбекистоннинг иқтисодий ўсиш суръатларини ошириш ва минтақавий ҳамкорликни ривожлантиришда юқори салоҳиятга эга эканлигини қайд этди.
Изоҳ (0)