Давоми: Бош прокуратура Самарқандда бир оиланинг беш аъзоси ўлдирилиши ҳодисаси юзасидан ахборот берди
Самарқанд вилояти Иштихон тумани Чимқўрғон маҳалласида яшовчи оиланинг 5 нафар аъзоси — эр-хотин, икки ўғил ва бир қизни ваҳшийларча ўлдириб, Қўшработ тумани Боқи қишлоғида Damas автомашинаси ичига ташлаб кетишган. Бу ҳақда «Дарё» мухбири Фарҳод Норбўтаев хабар бермоқда.
15 май куни машина ичидаги жасадларни кўриб қолган фуқаролар бу ҳақда зудлик билан ички ишлар органларига мурожаат қилган. Марҳумларнинг бошига оғир метал билан уриб ўлдириб, одамлар серқатнов бўлмайдиган жойга ташлаб кетишган.
Ушбу оилани танийдиган «Дарё» манбалари марҳум эр-хотиннинг яна бир фарзанди борлигини маълум қилди.
Жиноят ким томонидан ва қачон содир этилганлиги номаълум. Ҳозирда жиноятчини топиш учун қидирув ишлари олиб борилмоқда.
