АҚШ томонидан ядровий қуролланишнинг Европага жойлаштирилиши уни қўлланилишидан далолат. Бу ҳақда Россия Ташқи ишлар вазирлиги қуролланиш бўйича назорат департаменти директори Владимир Ермаков маълум қилди, деб хабар беради «Коммерсантъ».
Ермаков Европа давлатларини Вашингтонга хавф туғдириш имкониятини яратиб бераётгани учун танқид қилди.
«Вашингтонга боғланиб қолган мамлакатлар ўзини ҳеч нима бўлмаётгандек тутмоқда ёки XXI асрда Европа ҳудудида ядровий қуроллардан ядровий қуролланишга эга бўлмаган давлатлар иштирокида фойдаланишга тайёргарлик кўрилаётганини ҳатто ўйлаб кўришга ҳам қўрқади», — дейди Ермаков.
Бугун, 14 май куни Сочида АҚШ давлат котиби Майкл Помпео ҳамда Россия ташқи ишлар вазири Сергей Лавров ўртасида музокара ўтказилади. Давлат котибини Россия президенти Владимир Путин ҳам қабул қилиши кутилмоқда.