Қирғизистон бош прокуратураси ўта оғир жиноятни содир этган Шокан Абилкасимовни бериш ҳақида Қозоғистон бош прокуратурасининг сўровини қаноатлантирди. Бу ҳақда Sputnik хабар бермоқда.
Қозоғистон фуқароси Шокан Абилкасимов Нурсултонда истиқомат қилувчи аёлни гуруҳ бўлиб зўрлаш жиноятини содир этишда гумонланувчи тариқасида халқаро қидирувга берилганди.
2019 йилда Қирғизистон ҳуқуқ-тартибот ходимлари Чуй вилоятининг Аламудун қишлоғида гумонланувчини қўлга олган.
Қозоғистон фуқаросини экстрадиция қилиш Қирғизистон жазони ижро этиш хизмати томонидан амалга оширилди. Абилкасимов ватанига қайтарилиб, мамлакатнинг ваколатли органларига топширилди.
Жиноят 2017 йил ёзида Қозоғистон пойтахтида содир этилганди. Жабрланган аёл жиноятчилардан қочишга уринган ва уй ойнасидан сакраган, бунинг оқибатида жиддий жароҳат олган.
Жиноий гуруҳ иштирокчилардан бири Мурат Идрисов деярли дарҳол қўлга олинган. Жиноят содир этишда айбдор деб топилиб, 10 йилга озодликдан маҳрум этилган.
Иккинчи гумонланувчи — Шокан Абилқасимов эса қочиб кетганди.
Изоҳ (0)