Ўзбекистон Республикаси Ташқи ишлар вазирлиги 2019 йил 12 май куни Ўмон кўрфазидаги Бирлашган Араб Амирликларининг ҳудудий сувлари яқинида Фужайра Амирлигидан шарқ томонда тижорий ва фуқаролик кемаларига нисбатан амалга оширилган провокацияни кескин қоралашини маълум қилди.
Бу каби ҳодисалар кемалар бортидаги инсонлар ҳаётига жиддий хавф яратади. Вазирлик халқаро ҳамжамиятни денгизда кемалар қатнови хавфсизлиги ва барқарорлигига путур етказадиган бундай ҳаракатларнинг олдини олиш масъулиайтини ўз зиммасига олишга чақиради.
Ўзбекистон Республикаси Ташқи ишлар вазирлиги Бирлашган Араб Амирликларига хавфсизликни таъминлаш ва ўз миллий манфаатларни ҳимоя қилишда якдиллик изҳор этади.
Эслатиб ўтамиз, Бирлашган Араб Амирликларининг Фужайра портида нефть танкерларини қамраб олган ёнғиндан сўнг бир неча кучли портлаш рўй берган эди. Гувоҳлар порт ҳудудида осмонда АҚШ ва Франция ҳарбий самолётлари айланиб юрганини кўрган.
Изоҳ (0)