Ўзбекистон Мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори Саид-Абдулазиз Юсупов 10 май куни Жиноят кодексининг 168-моддасида кўзда тутилган фирибгарлик фактлари аниқланганлиги юзасидан ушлангани ҳақида хабар берилган эди.

Кадр: Facebook / Мухаммад Баҳоуддин Юсупов

12 май куни Facebook ижтимоий тармоғида Ўзбекистон Мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори Саид-Абдулазиз Юсуповнинг Ўзбекистон Президентига йўллаган видео мурожаати пайдо бўлди.

«Дарё» нинг ДХХдаги ишончли манбалари ушбу видеомурожаат юзасидан баёнотни тақдим этди.

«1982 йилда туғилган Саид-Абдулазиз Юсуповнинг ҳибсга олиниши юзасидан бир нечта ОАВларда пайдо бўлган хабарлар муносабати билан унга нисбатан Ўзбекистон Республикаси Жиноят Кодексининг 168-моддаси (фирибгарлик) 4-қисми «А» банди билан жиноят иши қўзғатилганини яна бир бор маълум қиламиз. Тергов ҳаракатларининг бошланганидан сўнг гумонланувчига адвокат тайинланган», — дейилади баёнотда.

Аввалроқ, ДХХга бир гуруҳ фуқаролар (жабрланувчиларни ҳимоя қилиш зарурати туфайли уларни исми ошкор этилмайди) мурожаат қилиб, Саид-Абдулазиз Юсупов улардан фирибгарлик йўли билан, ўзини махсус хизматлар ходими сифатида таништириб, 65 минг, 28 минг ва 15 минг АҚШ долларини олганини маълум қилган.

2018 йилда Саид-Абдулазиз Юсупов Ўзбекистон Республикаси Жиноят Кодексининг 168-моддаси (фирибгарлик) бўйича шунга ўхшаш жиноятлар содир этгани учун жиноий жавобгарликка тортилган.

Хусусан, суд тартибида ДХХ ходими сифатида тақдим этилган «С. Ю» фирибгарлик йўли билан жабрланувчи – фуқаро Канязовнинг маблағлари 240 миллион сўм (30 минг доллар) миқдорида берилганлиги исботланган. Суд жараёни натижаларига кўра Юсупов зарарни қоплаши муносабати шартли равишда судланган.

Фото: «Дарё»

Саид-Абдулазиз Юсупов ўз суҳбатдошлари, хусусан журналистларни ўзининг ДХХ офицери эканлигига ишонтириш мақсадида «Макаров тўппончаси табел қуролини» ёнида олиб юрган.

«Ушбу қурол Юсуповнинг офиси кўздан кечирилаётган пайтда процессуал тартибда мусодара қилинган. Савол туғилади—жамоат ташкилотининг вакили, журналистга қурол нима учун керак? У кимни қўрқитмоқчи эди? Кимга қарши қўлламоқчи эди?», — дейилади баёнотда.