Навоий вилоятидаги перинатал марказда жой етишмаслиги сабабли ҳомиладор ва янги туққан аёллар ерга (полга) ётқизилмоқда, деб ёзади Repost муштарийларидан бирига таяниб.
6 май куни перинатал марказ беморларидан бири нашрга маълум қилишича, ётиш учун келган аёллар жуда кўп бўлганлигидан жой етишмай қолганлиги сабабли, улар марказ йўлакларига тўшалган матрасларга ётқизилмоқда.
«Палаталарга ўртача 3—4 киши сиғади. Жой етмаганлиги туфайли, менга койка беришди. Мен палатада бешинчи одам бўлдим. Бошқа палаталарда одам кўпроқ эди. Келаётган аёллар жуда кўп. Шаҳар туғуруқхонаси таъмирланяпти. Шу сабабли ҳамма бу ерга келяпти. Бу ерда жуда замонавий марказ қуришган, шифокорлари ҳам яхши. Аммо бу ерга бутун вилоятдан аёллар келади, чунки улар ўзларидаги туғуруқхоналарда эмас, яхши шароитга эга жойда туғишни хоҳлайди», — деди аёл.
Изоҳ (0)