Андижонда Damas ва юк машинаси тўқнашиши оқибатида эр-хотин ҳалок бўлди

Андижон вилоятининг Жалақудуқ туманида инсон ўлими билан якунланган ЙТҲ содир бўлди, деб хабар берди ИИВ Жамоатчилик ва ОАВ билан алоқалар бошқармаси.

Жалақудуқ туманида 5 май куни Қўрғонтепа туманида яшаган 65 ёшли Х.К ўзининг «Damas» русумли автомашинасини «Маданият» маҳалла ҳудудида ҳайдаб кетаётиб бошқарувни эплай олмай қарама-қарши йўналишга чиқиб кетиб, шу ерда ҳаракатланиб келаётган Хўжаобод туманида яшовчи 30 ёшли Ж.А бошқарувидаги NOWО русумли юк автомашинаси билан тўқнашув содир этган.

Натижада «Damas» автомашинаси йўловчиси, ҳайдовчининг турмуш ўртоғи 60 ёшли А.К жароҳат олиб воқеа жойида ва ҳайдовчи касалхонага келтирилганида вафот этганлар. Шунингдек қолган йўловчилари, ҳайдовчининг келини 32 ёшли М.Т ва унинг 2 ёшли қизи С.Хлар жароҳат олиб касалхонага ётқизилган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.