15—17 май кунлари Тошкентда «Ўзбекистон Нефть ва гази– OGU 2019» 23- Халқаро кўргазмаси, «Энергетика, энергияни тежаш, атом энергетикаси, энергиянинг муқобил манбалари – Power Uzbekistan 2019» 14- Халқаро кўргазмаси ва Халқаро Ўзбекистон энергетика конференцияси бўлиб ўтади, деб хабар берди Энергетика вазирлиги матбуот хизмати.
Ҳозирги вақтда Ўзбекистонда ёқилғи-энергетика мажмуаси соҳасида ўзига хориж тажрибаси ва инвестицияларни жалб қилган ҳолда йирик лойиҳаларни амалга оширишни қамраб олган кенг кўламли ислоҳотлар ўтказилмоқда. Мўлжалланган ислоҳотларни самарали рўёбга чиқариш ва мамлакатнинг ёқилғи-энергетика тармоғини жадал инновацион ривожлантириш учун Ўзбекистон Республикаси Энергетика вазирлиги ташкил этилди, у ўтказилаётган тадбирларни ташкил этилишини қўллаб-қувватлади ва Ўзбекистон энергетика халқаро конференциясини ўтказиш ташаббуси билан чиқди.
Уч кун мобайнида, 15 — 17 май кунлари, Ўзбекистон пойтахти республика иқтисодиётининг энергетика тармоғи дуч келаётган масалаларни, нефтгаз соҳаси, газ кимёси, нефть кимёси, атом энергетикаси, электр энергетикасини ривожлантириш, энергияни тежаш ва энергия самарадорлигини оширишнинг долзарб муаммоларини муҳокама қилиш марказига айланади.
Кўргазмалар ва конференциялар ишида 31 мамлакатнинг 300 дан ортиқ компаниялари ва 1000 нафар делегатлар иштирок этади, шу жумладан: Австрия, Озарбайжон, Беларусь, Бельгия, Венгрия, Буюк Британия, Вьетнам, Германия, Дания, Ҳиндистон, Индонезия, Италия, Испания, Қозоғистон, Канада, ХХР, Корея Республикаси, Литва, Монако, Норвегия, БАА, Польша, Россия, Сингапур, АҚШ, Туркия, Ўзбекистон, Украина, Франция, Швейцария ва Япония.
Ўтказиладиган тадбир доирасида Энергетика вазирлиги, АЖ «Ўзбекнефтегаз», «ЎзАтом» Агентлигининг компаниялари ва бўлинмаларининг раҳбар ходимларини хорижий делегациялар ва компаниялар раҳбарлари билан B2G ва B2B учрашувлари режалаштирилган. Бундай кўринишдаги учрашувлар форум вақтида иштирокчилар ишининг самарасини сезиларли даражада оширади ва мавжуд алоқаларни янада ривожланишига, ҳамда нефтгаз тармоғига инвестицияларни жалб қилишга кўмак беради.
Анъанага кўра барча иштирокчилар ва ташриф буюрувчиларни OGU Daily News газетасининг махсус сони кутади, унинг контенти мамлакатнинг ёқилғи- энергетика мажмуасининг асосий воқеалари доирасида ўтадиган анжуманлар ва тадбирларни тўлиқ ёритилиши билан ноёб ҳисобланади.
Изоҳ (0)