«Ўзбектелеком» АЖ томонидан ишлаб чиқилган янги пиринг тармоғи жаҳондаги машҳур интернет-ресурслар ва порталларни маҳаллийлаштириш ҳамда сифатли миллий контентни ривожлантириш бўйича лойиҳалар яратиш имконини беради. Бу интернетдан фойдаланиш даражасига ижобий таъсир кўрсатади. Бу ҳақда ЎзА хабар берди.
Ўзбекистонда ушбу лойиҳанинг амалга оширилиши халқаро интернет-канал юкламасини маълум даражада мақбуллаштириш имконини беради ва интернет-ресурсларнинг оқилона тақсимланишини таъминлайди.
Ҳозирги кунда «Ўзбектелеком» АЖ лицензияланган энг йирик медиа-контент кутубхонасида (фильмлар, телесериаллар ва мультфильмларга) эга бо`лган иви онлайн-кинотеатри билан ҳамкорликда қо`шма лойиҳани тижорат мақсадларида фойдаланишга топширди.
Уз-IX тармоғи – бу «Ўзбектелеком» АЖ бошқаруви остидаги инфратузилма бўлиб, унинг барча иштирокчилари (пиринг-шериклари) ўзаро трафик алмашишлари мумкин.
Айни пайтда тармоқдан, хостинг майдончасидан ёки медиа-контентдан фойдаланиш хизматларини кўрсатган ва тегишли лицензияга эга юридик шахс пиринг тармоғи иштирокчиси бўла олади.
Таъкидлаш жоизки, Уз-IX янги пиринг тармоғининг ташкил этилиши амалдаги TAS-IX пиринг тармоғининг муқобили ёки унинг ўрнини босувчи тармоқ ҳисобланмайди. «Ўзбектелеком» АЖ аввалгидек TAS-IX «Маълумот узатиш тармоқлари бўйича ўзаро ҳамкорлик қилиш маркази» нодавлат нотижорат ташкилотининг аъзоси ва TAS-IX трафиги алмашиш тармоғи фойдаланувчиси ҳисобланади.
Изоҳ (0)