Фарғоналик йигит Тошкентда насияга харид қилинган Malibu‘ни сотиб, пулини ишлатиб юборди

2018 йил 26 ноябрь куни Сергели автомобиль бозорида фарғоналик Ҳасанжон Э. Сарвар Ю.дан корхоналарнинг бирининг ҳисобида турувчи Malibu 2 русумли автомобилни 40 минг долларга харид қилади. Бу ҳақда ИИББ матбуот хизмати хабар бермоқда.

Олдиндан тўлов тариқасида Сарварга 5000 доллар беради, қолган суммани эса 2 йил давомида ҳар ой 2000 доллардан беришга келишади. Аммо ваъдасида турмасдан, машинани бошқа шахсга сотиб, пулларни сарфлаб юборади.

Ушбу ҳолат бўйича Жиноят кодексининг 168-моддаси («Фирибгарлик») 4-қисми бўйича жиноий иш қўзғатилди.