2019 йил 26 апрель куни Hyatt Regency Tashkent меҳмонхонасида «Ўзсаноатқурилишбанк» АТБ томонидан Freedom Finance инвестиция компанияси билан ҳамкорликда «Инвестор куни» онлайн анжумани ўтказилди.
Биринчи марта ташкил этилган «Инвестор куни»да Ўзбекистон Республикаси Капитал бозорини ривожлантириш агентлиги, Қимматли қоғозлар марказий депозитарийси, Freedom Finance инвестиция компаниясининг Қозоғистондаги ваколатхонаси вакиллари ва онлайн равишда хорижий ва маҳаллий инвесторлар хамда оммавий ахборот воситалари ходимлари иштирок этди.
Анжуманда банкнинг 2019 йил I чораги молиявий натижалари ва банкни ривожлантириш стратегияси бўйича амалга оширилаётган ишларга бағишланган тақдимот ўтказилди. Шунингдек, банк раҳбарияти ҳамда Freedom Finance компанияси экспертлари томонидан банкнинг жорий фаолияти хусусида чиқишлар қилинди.
Такидлаш жоизки, «Ўзсаноатқурилишбанк»да хизматлар кўрсатишнинг бозор механизмлари жорий этилмоқда, уларнинг турлари кенгайтирилмоқда, тадбиркорлар ва аҳоли учун молиявий очиқлиги ошиб бормоқда.
Буларнинг барчаси банкнинг кичик бизнес ва чакана кредитлаш ҳажмларини оширишга ҳамда хизмат кўрсатиш ҳажмларини, айниқса чакана хизматлар кўламини оширишга имкон берди.
Жумладан, кичик бизнесни ривожлантиришга ажратилган кредитлар 7,6 баробарга, чакана кредитлар 2,1 баробарга ошди.
Бунинг натижасида банк даромади 48 фоизга ошиб 706,6 миллиард сўмни, соф фойдаси эса 3,5 баробарга ошиб, 98,3 миллиард сўмни ташкил этди.
Банкнинг ташқи иқтисодий фаолияти дунёнинг тўрт қитъасидаги 17 та молия институти, энг ривожланган 22 мамлакатнинг экспорт-кредит агентликларини қамраб олди.
Банкда ISO 9001:2015 халқаро стандартнинг талабаларига жавоб берадиган сифат менежменти тизими жорий қилинди ва бунинг учун 2018 йилда Германиянинг нуфузли ТУВ компанияси томонидан мувофиқлик сертификати тақдим этилган.
Банкка халқаро Fitch Ratings (BB-) агентлиги томонидан берилган рейтинг баҳолар жорий йилнинг январь ойида бир поғона оширилиб, истиқболи «Барқарор» дея тасдиқланди.
Шунингдек, халқаро Standard & Poor’s (B+) ҳамда миллий Ahbor Reyting (uzA+) агентликлари томонидан берилган рейтинглар ҳам барқарор даражасида («Барқарор») сақланиб қолинди.
«Ўзсаноатқурилишбанк» республика фонд бозорининг фаол иштирокчиси ҳисобланади. Банк акциядорлари 34 400 тадан ортиқни ташкил этади. 2009 йилдан банк томонидан 5 марта корпоратив облигациялар ва 10 марта депозит сертификатлари чиқарилиб, республика фонд бозори ривожига ўз ҳиссасини қўшди.
Экспертлар томонидан банк оддий акциялари сотувининг юқори ўсиш потенциалига эгалиги қуйидагича изоҳланмоқда:
– Банк оддий акцияларининг фундаментал нархидан 30-35 фоиз чегирма билан сотилиши;
– Фонд биржасида Банк оддий акцияларининг кунлик савдолари амалга оширилиши ҳамда I чорак давомидаги савдо ҳажмлари бўйича топ-5 таликда бўлиши;
– Банк акциялари бўйича қимматли қоғозлар олди-сотдиси жараёнида мижозларга андеррайтинг ва консалтинг хизматларининг кўрсатилиши.
Маълумот учун
Freedom Finance – Марказий Осиёнинг етакчи сармоявий брокери. Компания Ўзбекистонда брокерлик, ишончли бошқарув, андеррайтинг, маркет-мейкер, ўқитиш ва таҳлил қилиш хизматларини кўрсатади.
Компания Freedom Holding Corp. халқаро холдинги (АҚШ) таркибига киради.
«Ўзсаноатқурилишбанк» Freedom Finance билан 2018 йилдан бери ҳамкорлик қилади
Реклама ҳуқуқи асосида.
Изоҳ (0)