Самарқандда палов ва нон фестивали бўлиб ўтди (фото)

Самарқандда 27 апрель куни Театр майдонида палов ва нон фестивали бўлиб ўтди. Бу ҳақда «Новости Узбекистана» хабар берди.

Тадбир Самарқанд шаҳар ҳокимлиги ва вилоят туризмни ривожлантириш департаменти ҳамкорлигида ташкил қилинди.Ташкилотчилар 7 та қозонда 150 килограм гуручдан палов тайёрлашни  режа қилган эди. Лекин ёмғирли об-ҳаво бўлгани учун 4 та қозонда ош дамланди.

Самарқанд аҳли ва меҳмонлари ўзбек миллий таомининг тайёрланиш жараёнини кўришга муваффақ бўлди.

Самарқандлик новвойлар ўз маҳоратини кўрсатиб, 40 дан ортиқ турдаги оби нонларни тақдим этди.

Тадбирга, шунингдек, уста ҳунармандлар ҳам таклиф қилинган эди. Фестиваль доирасида дўппилар байрами бўлиб ўтди.