Доктор Рейчел Веллнер ўзининг Volvo машинасида полициянинг оёғини босиб олгани учун ҳибсга олинаётган пайтда «Мен қаҳрамонман, полиция эса қаҳрамон эмас», деган, дея хабар берди Forum Daily.
Воқеа 3 йил олдин содир бўлган. Полиция 2016 йил февралда шаҳар марказида унинг машинасини тўхтатиб, уни итариб, кейин қўлидан ушлаб қолгани учун у фуқаролик ҳуқуқлари бузилганини даъво қилиб, шаҳар судига мурожаат қилган. Шунингдек, товон пули сифатида 30 миллион доллар талаб қилган.
Полициянинг сўзларига кўра, Веллнер одамларнинг ҳаётини сақлаб қоладиган ишда ишлаши унга имтиёз беради деб ўйлаган.
«Мен шифокорман. Ўлим тўшагида ётган беморларим бор. Мен кетишим керак», — деган Веллнер полиция уни тўхтатганида.
Кейинчалик шифокор жамоат тартибига йўл қўйган хатосини тан олган ва 10 кун жамоат ишларига ҳукм қилинган. Лекин 2016 йил сентябрда у товон пули сўраб, шаҳар судига мурожаат қилган.
Офицер Нигель Вега судда шифокорнинг машинасини тўхтатганда, ҳақиқатан ҳам унга нисбатан жисмоний ҳаракат ишлатганини тан олган. Шундан сўнг Веллнерга 1,2 милион доллар товон пули тўлашга ҳукм чиқарилган.
Изоҳ (0)