Тошкентдаги «Мовий гумбазлар» ресторани олдидаги хиёбонда 27 апрель куни «Ёшлар жиноятчиликкка қарши» шиори остида бўлиб ўтган тадбирда махсус зирҳланган автомобиль намойиш этилди, дея хабар бермоқда Тошкент шаҳар ИИББ матбуот хизмати.
«Kun.uz»нинг ёзишича, махсус металл қоплама билан зирҳланган автомобиль ўқ ўтказмайди. Машина солярка ва бензин билан ҳаракатланади, 100 километр масофага 18 литр ёнилғи сарфлайди. Оммавий тартибсизликларни бартараф этишга мўлжалланган махсус машинага 7—8 ходим бемалол жойлаша олади.
Тадбирда «ғилдиракли штаб» — томига 50 метр баландликкача кўтариладиган, кундузи 1, тунда 1,5 километр масофагача тасвирга оладиган юмалоқ камера ўрнатилган Isuzu автобуси ҳам намойиш этилган. Автобус ичидаги технологиялар ёрдамида тасвирга олинган кишиларнинг шахсига аниқлик киритиш мумкин.
ИИББ матбуот хизматидан маълум қилишларича, автобус аллақачон синовдан ўтган. Оммавий тадбирлар вақтида фойдаланиш учун мўлжалланган бундай транспорт воситаларидан яна бир нечтасига буюртма берилган бўлиб, таъкидлашларича, янгилари ҳозиргисидан ҳам мукаммалроқ бўлади.
Изоҳ (0)