«Манчестер Юнайтед» ярим ҳимоячиси Поль Погба «Реал»га ўтишга яқин турибди. Бу ҳақда AS хабар берди.
Франциялик «Қироллик клуби» билан шахсий шартнома бўйича келишиб олди. Агар футболчи Мадридга кўчиб ўтадиган бўлса, солиқ тўловларидан ташқари йилига 12 миллион евро маош олади.
Қайд этилишича, футболчи 2016 йилда «Ювентус»дан «Манчестер Юнайтед»га ўтиш вақтида узоқ давом этган келишувлардан қочишни ўйламоқда.
Эслатиб отамиз, Поль Погба жорий мавсум Англия чемпионатида 32 та учрашувда майдонга тушиб, 13 та гол урди ва 9 та голга ассистентлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)