Перуда собиқ президент Гарсия ўлими муносабати билан мотам эълон қилинди

Перу ҳукумати мамлакатнинг собиқ президенти Алан Гарсиянинг ўлими юзасидан миллий мотам эълон қилди, дея хабар беради «Коммерсант.ru».

Давлатнинг собиқ раҳбари давлат маблағлари ҳисобидан дафн этилади.

Фармонга кўра, барча муассасаларда, дипломатик миссияларда, ҳарбий базалар ҳудудида, ҳуқуқни муҳофаза қилиш органлари ва судларда давлат байроғи туширилган. Миллий мотам 19 апрель кун охирига қадар давом этади.

Алан Гарсия (Перу президенти 1985—1990 ва 2006—2011 йиллар) 17 апрель куни Лима шаҳрида вафот этган. У полиция томонидан коррупция иши бўйича ҳибсга олиниш вақтида кутилмаганда бўйнига ўқ узган ва кейинчалик шифохонада вафот этган.

Гарсиянинг суриштирув ишлари Бразилия қурилиш компанияси Одебрехт атрофидаги коррупция жанжалдан сўнг бошланган. Тергов маълумотларига кўра, собиқ давлат раҳбари шартномалар бўйича ёрдам бериш эвазига 100 минг доллар миқдорида пул олган бўлиши мумкин. Алан Гарсия ўзининг айбсизлигини таъкидлаган.