2019 йил январь март ойи якунларига кўра, республикада ташқи савдо айланмаси 9,4 миллиард долларни ташкил этиб, ўтган йилнинг шу даврига нисбатан 27,2 фоизга ўсди. Бу ҳақда Spot хабар берди.
Шу жумладан, экспорт ҳажми 4,1 миллиард долларга (ўсиш суръати 20,6%) ва импорт ҳажми 5,2 миллиард долларга (ўсиш суръати 32,9%) етди.
ЭкспортЭкспорт таркибида товарлар 83,9% улушга эга бўлиб, булар асосан энергия манбалари ва нефть маҳсулотлари (18,2%), тўқимачилик ва тўқимачилик буюмлари (8,9%), озиқ-овқат маҳсулотлари (6,0%), шунингдек, қора металлар ва ундан тайёрланган буюмлар (1,7%), рангли металлар ва ундан тайёрланган буюмлар (5,5%) гуруҳлари ҳиссасига тоғри келмоқда.
Олтин ҳажмини ҳисобга олмаган ҳолда, жами товар ва хизматлар экспорти 2,9 миллиард долларни ташкил этиб, 35,2 фоизга ўсди.
Экспорт қилинаётган товар ва хизматларнинг асосий қисми Хитой Халқ Республикаси ва Россия Федерацияси ҳиссасига тўғри келмоқда. Бу эса умумий экспорт ҳажмининг 33,6 фоизини ташкил қилади.
Хитой Халқ Республикаси ва Россия Федерациясига экспорт қилинаётган товарлар таркибига назар ташласак, асосан энергия манбалари ва нефть маҳсулотлари, кимё маҳсулотлари ва ундан тайёрланган буюмлар ҳамда озиқ-овқат маҳсулотлари гуруҳларидан иборат.
ИмпортИмпорт таркибида энг катта улуш машина ва асбоб ускуналар ҳамда уларнинг қисмлари (42,5%), кимё маҳсулотлари ва ундан тайёрланган буюмлар (13,0%) ҳамда қора металлар ва ундан тайёрланган буюмлар (7,7%) гуруҳлари ҳисобига тўғри келди.
2019 йилнинг январь март ойи мобайнида республикага импорт қилинаётган товар ва хизматлар январь март ойида, январь ойига нисбатан 1,3 миллиард долларга кўп импорт қилинди ва 5,2 миллиард долларни ташкил этди.
Республикага 132 дан ортиқ хорижий давлатлардан товар ва хизматлар импорти амалга оширилган. Шулардан 5 та энг йирик бўлган Россия, Хитой, Корея, Қозоғистон ва Туркия ҳамкор давлатларидан жами импорт ҳажми 3,4 миллиард долларга тенг. Бу эса умумий импорт ҳажмининг 64,5 фоизини ташкил қилади.
Изоҳ (0)