2019 йил 17 апрелга ўтар кечаси Россиядаги Екатеринбург шаҳрининг қурилиш объектларидан бирида келиб чиқиши сурхондарёлик бўлган Ўзбекистон фуқаролари вафот этди. Бу ҳақда Ўзбекистоннинг Екатеринбург шаҳридаги Бош консулхонасига таяниб, «Халқ сўзи» маълум қилди.
Дастлабки маълумотларга кўра, улар ёнғин ва газдан заҳарланиш оқибатида ҳалок бўлган. Консуллик маркази ҳалок бўлганлар ҳақида маълумотни ҳам тақдим этган:
- Менгтошев Шуҳрат Уралович, 22.08.1989 йилда туғилган;- Қурбонов Акбарали Саидмуродович, 23.11.1995 йилда туғилган;- Зиядуллаев Улуғбек Олимжонович, 18.11.1998 йилда туғилган;- Чориев Исроил Равшанович, 18.10.1996 йилда туғилган.Олинган маълумотларга кўра, ушбу ўзбекистонликлар 15 апрель куни Екатеринбург шаҳри Академик туманидаги қурилиш объектларидан бирига ишга кириш учун келган.
Айни пайтда ваколатли органлар томонидан воқеанинг барча тафсилотларини аниқлаш учун тергов олди тадбирлари бошланган.
Бош консулхона марҳум ўзбекистонликларнинг оила аъзолари ва яқинларига таъзия билдиради ва маълум қиладики, Ўзбекистоннинг Москва шаҳридаги Элчихонаси билан ҳамкорликда мазкур вазият назоратга олинган ҳамда вафот этганларнинг жасадларини ватанга қайтариш масаласи ҳал қилинмоқда.
Изоҳ (0)