Калифорния штатининг Окланд шаҳридан бўлган тўрт яшар Навон Жексон оилавий дўстининг уйидан тўппонча топган ва тасодифан бошига ўқ узган, дея хабар беради «ForumDaily».
Бола омон қолган — у комадан ҳозир ҳушига келган. Навон ўқотар қуролдан зарар кўрган оиланинг бешинчи аъзосидир. Оила ҳозиргача тўрт кишини йўқотишга улгурган.
Барчаси 27 март куни содир бўлган. Навон яқин ҳудуддаги касалхонага олиб борилган ва интенсив терапия бўлимига жойлаштирилган. Шифокорлар унинг ҳаёти учун курашган. Оила отишма сабабли яна бир қариндошини йўқотишдан жуда қўрққан.
Ҳозирда Навоннинг ҳолати барқарор, лекин унинг онаси Бриджана Прайс ҳали ҳам бу ҳақида гапира олмайди. Бола бир ҳафта давомида комада бўлган — у бу ҳолатга тиббий сабабларга кўра тушган.
Навон кўзларини очган. 3 апрель куни бобоси Рамон Прайс Facebook’да боланинг ҳаракатланаётгани, кўзларини очгани, йўталаётгани, оёқ ва қўлларини ҳаракатга келтираётганини ёзган. Шундан буён боланинг аҳволи барқарорлашган, у жонлантириш бўлимидан оддий хонага жойлаштирилган.
Бир қатор фожиали ҳодисалардан сўнг Навоннинг оиласи бу охиргиси бўлишидан умидвор. Боланинг отаси Нейтан Жексон қурол ишлатгани учун икки ака-ука ва синглисидан айрилган.
2010 йилда 18 ёшли Нарио Жексон Ғарбий Оклендда жиноий тўда томонидан отиб ўлдирилган. Бир йилдан сўнг, 16 ёшли Нажон Жексон Шарқий Окленддаги бувисининг уйи ёнида отишма сабабли ҳалок бўлган. Ўтган йили худди шу ерда автомобилда 21 ёшли Эллесс Макфи отиб ўлдирилган.
Бриджанна Прайс ҳам отишма оқибатида укасини йўқотган. 2012 йилда, 17 ёшли Ламонт ўзининг таниши томонидан отиб ўлдирган.
Изоҳ (0)