Италияда 12 йил мобайнида ўзини ногирон қилиб кўрсатиб, Рим папасининг қабулига кирган шахс фош бўлди, дея хабар беради «Sputnik».
Маълумотларга кўра, йиллар давомида 55 ёшли эркак давлат имтиёзларидан фойдаланган.
2007 йилда Флоренция шаҳридан бўлган Роберто Гульельми қўшниларнинг ёрдами билан йўл-транспорт ҳодисасини саҳналаштириб, ногиронлик гувоҳномасини олган. Бу йиллар давомида эркак давлат имтиёзларини олиб, ногиронлар учун автомобиль тўхташ жойларини эгаллаган ва бошқа имтиёзларга эга бўлган.
Гульельми шифокорларни тиббий экспертиза вақтида алдаш учун оғриқни қолдирадиган восита қабул қилдириб, мушак атрофиясини ҳосил қилган. Омма олдида у ногиронлар аравачасида ҳаракатланган, уйда ва фақат шаҳар ташқарисига чиққанида у ўз оёқларида ҳаракатланган. Ҳақиқатни ҳатто унинг яқин дўстлари ва танишлар ҳам билмаган.
Роберто шу қадар берилиб кетганидан, у маҳаллий газета томонидан ўтказилган ногиронларни қўллаб-қувватлаш кампаниясида қатнашган. У ҳаммага полицияда хизмат қилгани ва отишма пайтида жиддий жароҳат олганини айтиб берган.
Гульельми худди шу «афсона»ни Рим папасига ёзган хатида ҳам тасвирлаб берган, шундан сўнг папа уни шахсий қабулига чақирган.
Фирибгар 9 апрель куни Тогодан уйга қайтаётганида ҳуқуқ-тартибот органларининг эътиборига тушган. Унинг уйига яширин камера ўрнатилиб, ҳаракатлари фош этилган.
Изоҳ (0)