2018 йил натижаларга кўра, Москва метросининг «Комсомольская», «Таганская», «Киевская», «Павелецкая» ва «Белорусская» энг хавфли станциялари деб топилган, дея хабар беради «РБК».

Москва метрополитени Ички ишлар бошқармаси матбуот хизматининг хабар беришича, энг муаммоли 5 та метро станцияси 2016 йилдан бери ўзгармаган.

Ўтган йил мобайнида полиция ходимлари 1,1 мингдан зиёд жиноятни қайд этган. Уларнинг деярли ярми сумка, телефон ва ҳамёнларни ўғирлаш билан боғлиқ.

Ҳуқуқбузарликларнинг аксарияти Замоскворецкая йўналишида — 78, Арбатско-Покровская ва Кольцевая йўналишларида — 75, Таганско-Краснопресненская йўналишида 66 та воқеа қайд этилган.