Uzbekistan Airways 16 апрель куни Тошкент — Тбилиси йўналиши бўйлаб илк рейсни амалга оширади

Uzbekistan Airways 16 апрель куни Тошкент — Тбилиси йўналиши бўйлаб илк рейсни амалга оширади. Бу ҳақда Тбилиси халқаро аэропорти матбуот хизмати маълум қилди, дея хабар берди Spot.

Рейслар ҳафтасига икки марта — сешанба ва якшанба кунлари Airbus A320 аэробусида амалга оширилади.

Қайд этилишича, икки давлат ўртасидаги тўғридан-тўғри авиақатновлар СССР тарқаб кетганидан сўнг тўхтаган. Ҳозирда парвозлар учинчи мамлакатлар орқали бажарилмоқда ва Тошкентдан Тбилисигача бўлган учиш вақти 8 соатдан кўпроққа чўзилади.

Маълумот учун, жорий йил биринчи чорагида Ўзбекистондан Грузияга сафарлар сони рекорд даражада кўпайиб, 4,5 мингтадан ошган. Бу ўтган йилнинг шу даврига нисбатан деярли уч баравар кўп.